"Suna hoga bohat tum ne,
kahon ankhon ki rim-jhim ka
kahin palkon ki shabnam ka
parha hoga bohat tum ne,
kahin lehjay ki baarish ka
kahin saagar k aansoo ka
magar tum ne kabhi humdam
kahin dekhe? kahin parkhay?
kisi tehreer ke aansoo?...!
mujhey teri judaai ne,
yehi meraaj bakhshi hey
ke meiN jo lafz likhti hoon..
woh saaray lafz rotey hein
ke meiN jo harf bunti hoon..
woh sarey bain kartey hein
merey sung is judaai mein...
merey alfaaz martay hein
sabhi Tareef kartey hein ...
meri tehreer ki lekin...
kabhi koi nahi sunta...
merey alfaaz ki siski
falak bhi jo hilaa daaley
merey lafzon mein hein shaamil...
ussi taseer ke aansoo
kabhi dekho merey humdam
meri tehreer ke aansoo...!!!"
Home 
